Attendance & Punctuality Policy

ဝန်ထမ်း အချိန်မှန်မှန်လာရောက်မှုနှင့် တက်ရောက်မှုဆိုင်ရာ မူဝါဒ (Attendance & Punctuality Policy)

လုပ်ငန်းခွင်တွင် ဝန်ထမ်းများ၏ အချိန်မှန်မှန်လာရောက်မှု (Punctuality) နှင့် တက်ရောက်မှု (Attendance) သည် လုပ်ငန်း၏ ထုတ်လုပ်နိုင်စွမ်း၊ အဖွဲ့လိုက် ပူးပေါင်းဆောင်ရွက်မှုနှင့် လုပ်ငန်းခွင် ယဉ်ကျေးမှုအတွက် အရေးကြီးသော အခန်းကဏ္ဍမှ ပါဝင်ပါသည်။ ဤမူဝါဒသည် ဝန်ထမ်းများအား လုပ်ငန်းခွင် စည်းကမ်းများကို နားလည်စေရန်နှင့် အကောင်းဆုံး စွမ်းဆောင်ရည်ဖြင့် လုပ်ကိုင်နိုင်ရန် ရည်ရွယ်ပါသည်။

၁။ ရည်ရွယ်ချက် (Purpose)

• ဝန်ထမ်းများအား လုပ်ငန်းခွင်သို့ အချိန်မှန်စွာ လာရောက်ရန် နှင့် ပုံမှန် တက်ရောက်ရန်။

• လုပ်ငန်းလည်ပတ်မှု ချောမွေ့စေရန် နှင့် ထုတ်လုပ်နိုင်စွမ်း မြှင့်တင်ရန်။

• လုပ်ငန်းခွင် စည်းကမ်းနှင့် တာဝန်ယူမှု၊ တာဝန်ခံမှုရှိသော ယဉ်ကျေးမှုကို တည်ဆောက်ရန်။

• ဝန်ထမ်းအားလုံးအတွက် မျှတပြီး တသမတ်တည်းဖြစ်သော လုပ်ထုံးလုပ်နည်းများကို ချမှတ်ရန် အတွက် ရည်ရွယ်ပါသည်။

၂။ မူဝါဒ အကျုံးဝင်မှု (Scope)

ဤမူဝါဒသည် ကုမ္ပဏီရှိ (အချိန်ပြည့်၊ အချိန်ပိုင်း၊ စာချုပ်ဖြင့် ခန့်ထားသူများ အပါအဝင်) ဝန်ထမ်းအားလုံး နှင့် သက်ဆိုင်ပါသည်။

၃။ အချိန်မှန်မှန်လာရောက်ခြင်း (Punctuality)

• အလုပ်စတင်ချိန်: ဝန်ထမ်းများသည် သတ်မှတ်ထားသော အလုပ်ချိန် မစမီ (၅) မိနစ်ခန့် ကြိုတင် ရောက်ရှိပြီး အလုပ်စတင်ရန် အသင့်ပြင်ဆင်ထားရပါမည်။
  
  

• နောက်ကျခြင်း (Tardiness):

  • အလုပ်စတင်ချိန် နောက်ကျ၍ ရောက်ရှိခြင်း ကို နောက်ကျခြင်းအဖြစ် သတ်မှတ်သည်။

  • မဖြစ်မနေ နောက်ကျမည်ဆိုပါက သက်ဆိုင်ရာဌာနမှူး သို့မဟုတ် တာဝန်ခံပုဂ္ဂိုလ်အား ကြိုတင်အကြောင်းကြားရမည်။

  • မကြာခဏ နောက်ကျခြင်း သို့မဟုတ် အကြောင်းမဲ့ နောက်ကျခြင်းများအတွက် စည်းကမ်းထိန်းသိမ်းရေးဆိုင်ရာ အရေးယူမှုများ ပြုလုပ်နိုင်သည်။

• အစည်းအဝေးများ:

  • ဝန်ထမ်းများသည် အစည်းအဝေးများသို့ အချိန်မှန် ရောက်ရှိရမည်။

  • အစည်းအဝေးသို့ နောက်ကျ၍ ရောက်ရှိခြင်းသည် အစည်းအဝေး၏ ထိရောက်မှုကို ထိခိုက်စေပြီး အခြားသူများ၏ အချိန်ကို လေးစားမှု မရှိရာ ရောက်သည်။

၄။ တက်ရောက်မှု (Attendance)

• ပုံမှန်တက်ရောက်ခြင်း: ဝန်ထမ်းများသည် သတ်မှတ်ထားသော လုပ်ငန်းရက်များတွင် ပုံမှန်တက်ရောက်ရပါမည်ဖြစ်ပါသည်။

• ခွင့်ပန်ခြင်း (Leave Application):

  • ဖျားနာခွင့် (Sick Leave): ဖျားနာ၍ အလုပ်မတက်နိုင်ပါက လုပ်ငန်းစတင်ချိန် (၁) နာရီအတွင်း သက်ဆိုင်ရာ ဌာနမှူး သို့မဟုတ် တာဝန်ခံပုဂ္ဂိုလ်အား အကြောင်းကြားရပါမည်။ (၃) ရက်နှင့်အထက် ခွင့်ယူမည်ဆိုပါက ဆရာဝန်ထောက်ခံစာ တင်ပြရမည်။

  • အရေးပေါ်ခွင့်/ကိုယ်ရေးကိုယ်တာခွင့် (Emergency / Personal Leave): အရေးပေါ်အခြေအနေများမှအပ (၃ ရက်) ကြိုတင်ခွင့်ပန်ခြင်း သည် မဖြစ်မနေ လိုအပ်ပါသည်။

  • ခွင့်မရှိဘဲ ပျက်ကွက်ခြင်း (Absent Without Leave - AWOL): ခွင့်မရှိဘဲ အလုပ်ပျက်ကွက်ခြင်းကို ပြင်းထန်သော စည်းကမ်းဖောက်ဖျက်မှုအဖြစ် သတ်မှတ်ပြီး လုပ်ငန်းစည်းကမ်းနှင့်အညီ အရေးယူခံရမည်။ (ဥပမာ- (၃) ရက် ဆက်တိုက် ခွင့်မရှိဘဲ ပျက်ကွက်ပါက အလုပ်မှ ထုတ်ပယ်သွားမည်ဖြစ်ပါသည်)။

၅။ အချိန်မှတ်တမ်းတင်ခြင်း (Timekeeping)

• ဝန်ထမ်းအားလုံးသည် လုပ်ငန်းစတင်ချိန်နှင့် ဆင်းချိန်တို့ကို အချိန်မှတ်စက် (Time Clock)၊ လက်မှတ်ရေးထိုးခြင်း သို့မဟုတ် ကုမ္ပဏီမှ သတ်မှတ်ထားသော စနစ်ဖြင့် တိကျစွာ မှတ်တမ်းတင်ရပါမည်။

• မိမိကိုယ်စား အချိန်မှတ်တမ်းတင်ခိုင်းခြင်း သို့မဟုတ် သူတစ်ပါးအတွက် မှတ်တမ်းတင်ပေးခြင်းတို့ကို တင်းကြပ်စွာ တားမြစ်ထားပြီး ထိုသို့ပြုလုပ်ပါက ပြင်းထန်စွာ အရေးယူခံရမည်။

၆။ စည်းကမ်း ထိန်းသိမ်းရေးဆိုင်ရာ လုပ်ဆောင်မှုများ (Disciplinary Actions)

ဤမူဝါဒကို ဖောက်ဖျက်ပါက အောက်ပါအဆင့်ဆင့် လုပ်ဆောင်မှုများ ပြုလုပ်နိုင်သည်။ (အခြေအနေနှင့် ဖောက်ဖျက်မှုအကြိမ်ရေပေါ် မူတည်၍ ကွဲပြားနိုင်သည်)။

1. နှုတ်ဖြင့် သတိပေးခြင်း (Verbal Warning): ပထမဆုံးအကြိမ် ဖောက်ဖျက်မှုများအတွက်။

2. ရေးသား၍ သတိပေးခြင်း (Written Warning): ထပ်ခါတလဲလဲ ဖောက်ဖျက်မှုများအတွက်။

3. လုပ်ခဖြတ်တောက်ခြင်း/ခွင့်မပြုခြင်း (Pay Deduction/Suspension): ပြင်းထန်သော သို့မဟုတ် ထပ်ခါတလဲလဲ ဖောက်ဖျက်မှုများအတွက်။

4. အလုပ်မှ ထုတ်ပယ်ခြင်း (Termination of Employment): ပြင်းထန်သော သို့မဟုတ် စည်းကမ်းမလိုက်နာနိုင်တော့သည့် အခြေအနေများအတွက်။

၇။ ခြွင်းချက်များ (Exceptions)

• ကြိုတင်ခွင့်ပန်ရန် မဖြစ်နိုင်သော အထူးအရေးပေါ်အခြေအနေများ (ဥပမာ- ယာဉ်မတော်တဆမှု၊ ဆွေမျိုးနီးစပ် ကွယ်လွန်ခြင်း) အတွက် ဤမူဝါဒကို လိုက်လျောညီထွေ စဉ်းစားပေးနိုင်ပါသည်။ သို့သော် သက်ဆိုင်ရာ အထောက်အထားများ တင်ပြရပါမည်။

• ကုမ္ပဏီ၏ မူဝါဒအသစ်များ သို့မဟုတ် ဥပဒေပြောင်းလဲမှုများအရ ဤမူဝါဒကို ပြောင်းလဲနိုင်ပါသည်။

၈။ တာဝန်ယူမှုများ (Responsibilities)

• ဝန်ထမ်းများ: ဤမူဝါဒကို နားလည်ပြီး လိုက်နာရန် တာဝန်ရှိသည်။

• ဌာနမှူးများ/မန်နေဂျာများ: ဤမူဝါဒကို ထိရောက်စွာ အကောင်အထည်ဖော်ရန်၊ ဝန်ထမ်းများအား ရှင်းပြရန်နှင့် လိုအပ်ပါက စည်းကမ်းထိန်းသိမ်းရေးဆိုင်ရာ လုပ်ဆောင်မှုများ ပြုလုပ်ရန် တာဝန်ရှိသည်။

• လူ့စွမ်းအားအရင်းအမြစ်ဌာန (HR Department): ဤမူဝါဒကို ရေးဆွဲရန်၊ ပြန်လည်သုံးသပ်ရန်၊ လိုအပ်ပါက မွမ်းမံရန်နှင့် စည်းကမ်းဖောက်ဖျက်မှုများအတွက် အကြံပေးရန် တာဝန်ရှိသည်။

ဤမူဝါဒကို လိုက်နာခြင်းဖြင့် လုပ်ငန်းခွင် ပတ်ဝန်းကျင် ပိုမိုကောင်းမွန်လာမည်ဖြစ်ပြီး ဝန်ထမ်းတစ်ဦးချင်းစီ၏ စွမ်းဆောင်ရည်နှင့် လုပ်ငန်း၏ အောင်မြင်မှုကို အထောက်အကူပြုမည်ဖြစ်ပါသည်။