Up Selling/ Cross Selling

" Upselling နှင့် Cross-selling သည် ရောင်းအားမြှင့်တင်ရန်အတွက် အသုံးပြုသည့် နည်းဗျူဟာများဖြစ်သည်။ 

စားသုံးသူ၏ လိုအပ်ချက်ကို ပိုမိုဖြည့်ဆည်းပေးရင်း ကုမ္ပဏီ၏ အမြတ်အစွန်းကို တိုးစေနိုင်သည် "

Upselling (ဈေးမြှင့်ရောင်းခြင်း)

အဓိပ္ပာယ်
လက်ရှိရွေးချယ်ထားသော ပစ္စည်း/ဝန်ဆောင်မှုထက် ဈေးကြီးသည့် ရွေးချယ်စရာကို အကြံပြုရောင်းချခြင်း။

ဥပမာ

• Customer ကလက်ရှိရွေးထားသော ပုလင်းထက် စျေးအနည်းငယ်မြင့်သည့် ပုလင်းကို အဆိုပြုခြင်း။

• ရွေးချယ်ထားသည့် ပုလင်းက 75cl ဆိုရင် အရွယ်အစားပိုကြီးသည့် 1L  Size ဆိုရင် ပိုတန်တဲ့ အကြောင်းကို တင်ပြခြင်း။

အကျိုးကျေးဇူးများ

• ဝင်ငွေတိုးလာခြင်း။

• စားသုံးသူ၏ စိတ်ကျေနပ်မှု (အကယ်၍ အဆင့်မြင့်ပစ္စည်းက သူ့လိုအပ်ချက်နှင့် ကိုက်ညီလျှင်)။

အောင်မြင်သောနည်းလမ်းများ

• စားသုံးသူ၏ ဝယ်ယူမှုသမိုင်းနှင့် စိတ်ဝင်စားမှုကို လေ့လာထားပါ။

• တန်ဖိုးအရှိဆုံး ရွေးချယ်စရာကို ပြသပေးပါ (ဥပမာ - ဒီပုလင်းက ဒီဇိုင်းအသစ်၊ ထုတ်လုပ်တဲ့ နိုင်ငံအကြောင်း၊ 12 year အစား 15 year က ပိုကောင်းတဲ့ အကြောင်း)။

• အချိန်ကိုက်ညီစွာ အကြံပြုပါ (ဥပမာ - ဝယ်ယူခြင်းခါနီး အဆင့်တွင်၊ ဒါလေးကြည့်ဦးမလား)။

Cross-selling (အပိုပစ္စည်းရောင်းခြင်း)

အဓိပ္ပာယ်
လက်ရှိဝယ်ထားသော ပစ္စည်းနှင့် ဆက်စပ်သည့် အခြားပစ္စည်းများကို အကြံပြုရောင်းချခြင်း။

ဥပမာ

• ပုလင်းဝယ်တဲ့သူကို Mixer, ရေခဲ, ဆေးလိပ်, ခွက် တို့ကို တွဲဖက်ရောင်းချခြင်း။

• Beer, Soju ဝယ်ယူသူများကို အမြည်းတို့ကို တွဲဖက်ရောင်းချခြင်း။ (ဥပမာ - Beer + Soju ပေါင်းပြီးလည်း Somaek Cocktail ဆိုပြီးလည်း ရောင်းလို့ရပါတယ်)

အကျိုးကျေးဇူးများ

• ဝယ်ယူမှုတန်ဖိုး (Order Value) တိုးလာခြင်း။

• စားသုံးသူ၏ အသုံးပြုမှု အတွေ့အကြုံကို မြှင့်တင်ပေးခြင်း (ဥပမာ - လာဝယ်သူများအတွက် Bundle အသစ်လေးတွေ ဖန်တီးပေးထားတော့ ဝယ်ယူရတာ အဆင်ပြေတာပေါ့)။

အောင်မြင်သောနည်းလမ်းများ

• အမြဲတမ်းဆက်စပ်သော ပစ္စည်းများကို အမြဲလိုလို အကြံပြုပါ (ဥပမာ - "ဤပစ္စည်းကို ဝယ်သူများ ဤပစ္စည်းကိုလည်း ဝယ်လေ့ရှိပါသည်" Cashier ကောင်တာမှာ ကြေငြာထားခြင်း)။

• အထုပ်အပိုးတွင် အပိုပစ္စည်းများထည့်သွင်းရောင်းချခြင်း (ဥပမာ - "ဘီယာ ၆ ဘူးဝယ်လျှင် အမြည်းထုတ် Free, အမျိုးအစားတူ ပုလင်း ၂ လုံးဝယ်လျှင် Whisky ဖန်ခွက် ၁လုံး Free")။

အောင်မြင်ရန် အချက်များ

• စားသုံးသူကို အရင်နားလည်ပါ - သူတို့၏ လိုအပ်ချက်နှင့် ဘတ်ဂျက်ကို ဆန်းစစ်ပါ။

• အချိန်မှန်ကန်ပါစေ - ဝယ်ယူမှုအဆင့်တွင် သင့်တော်သော အကြံပြုချက်ကို ပေးပါ။

• ဝန်ထမ်းများကို လေ့ကျင့်ပေးထားပါ - Upselling/Cross-selling နည်းလမ်းများကို သင်ကြားပေးပါ။

မှားတတ်သောအချက်များ

• ဖိအားပေးခြင်း - စားသုံးသူကို မလိုလားအပ်သော ပစ္စည်းများ အတင်းအကြံပြုခြင်း။

• ဆက်စပ်မှုမရှိသော ပစ္စည်းများ အကြံပြုခြင်း (ဥပမာ - ဘီယာဝယ်သူကို မီးခြစ်ဝယ်ရန် အကြံပြုခြင်း)။

သော့ချက် - Upselling နှင့် Cross-selling သည် စားသုံးသူနှင့် ကုမ္ပဏီနှစ်ဦးသားအတွက် Win-Win ဖြစ်စေသည့် နည်းလမ်းဖြစ်သောကြောင့် ကြိုတင်စီစဉ် ဒီဇိုင်းချထားရပါမည်။