Finance Manager

🏷️ Finance Manager – Role & Responsibilities

📌  ဘဏ္ဍာရေးမန်နေဂျာ (Finance Manager) ၏  Role (အခန်းကဏ္ဍ)

ဘဏ္ဍာရေးမန်နေဂျာသည် လုပ်ငန်း၏ ဘဏ္ဍာရေးဆိုင်ရာ တည်ငြိမ် ကောင်းမွန်ရေး ကို စနစ်တကျ စီမံခန့်ခွဲရသူဖြစ်သည်။ ၎င်းတို့သည် ဘတ်ဂျက်ရေးဆွဲခြင်း၊ ငွေကြေးစီမံခန့်ခွဲခြင်း၊ ဘဏ္ဍာရေးအစီရင်ခံစာများ ပြုစုခြင်း၊ ဥပဒေနှင့်ညီညွတ်စွာ လုပ်ကိုင်ဆောင်ရွက်ခြင်းနှင့် ရင်းနှီးမြှုပ်နှံမှုဆိုင်ရာ အကြံဉာဏ်များပေးခြင်း စသည့် လုပ်ငန်းများကို ဦးဆောင်ပြီး လုပ်ငန်း၏ ရေရှည်တည်တံ့မှုနှင့် အမြတ်အစွန်းတိုးတက်ရေးအတွက် ဗျူဟာများကို ရေးဆွဲရတာ ဖြစ်ပါသည်။

👍 Responsibilities (တာဝန်များ):

1. ဘတ်ဂျက်ရေးဆွဲခြင်းနှင့် ထိန်းချုပ်ခြင်း

   • လုပ်ငန်း၏ နှစ်စဉ်/လစဉ် ဘတ်ဂျက်များကို ဌာနအလိုက် လိုအပ်ချက်များနှင့်အညီ ရေးဆွဲခြင်း။

   • အသုံးစရိတ်များကို စောင့်ကြည့်ကာ ဘတ်ဂျက်မှ လွှဲမသွားစေရန် ထိန်းညှိုလုပ်ဆောင်ခြင်း။

2. ဘဏ္ဍာရေးအစီရင်ခံစာများ ပြင်ဆင်ခြင်း

   • ဝင်ငွေ-အသုံးစရိတ် (Income Statement)၊ ငွေကြေးစီးဆင်းမှု (Cash Flow Statement)၊ လက်ကျန်ရှင်းတမ်း (Balance Sheet) စသော လစဉ်/နှစ်စဉ် ဘဏ္ဍာရေးအစီရင်ခံစာများ ပြုစုခြင်း။

   • အမှုဆောင်အဖွဲ့နှင့် ရင်းနှီးမြှုပ်နှံသူများအား ဘဏ္ဍာရေးအခြေအနေ ရှင်းလင်းတင်ပြခြင်း။

3. ငွေကြေးစီးဆင်းမှု စီမံခန့်ခွဲခြင်း

   • လုပ်ငန်း၏ ငွေလုံလောက်မှု ရှိတာကို သေချာစေရန် ငွေကြေးစီးဆင်းမှု (Cash Flow) ကို စောင့်ကြည့်ခြင်း။

   • အရန်ငွေစနစ် (Liquidity Management) ဖြင့် မလွဲမသွေ ငွေကြေးလိုအပ်ချက်များကို ဖြည့်ဆည်းပေးခြင်း။

4. ဥပဒေနှင့်ညီညွတ်မှု စစ်ဆေးခြင်း

   • အခွန်ဥပဒေ၊ ဘဏ္ဍာရေးစံနှုန်းများ (ဥပမာ- IFRS, GAAP) နှင့် ကိုက်ညီမှုရှိစေရန် စစ်ဆေးခြင်း။

   • စာရင်းစစ်များနှင့် ပူးပေါင်းကာ ဘဏ္ဍာရေးစာရင်းဇယားများကို စစ်ဆေး အတည်ပြုခြင်း။

5. ဘဏ္ဍာရေးခွဲခြမ်းစိတ်ဖြာခြင်းနှင့် ကြိုတင်ခန့်မှန်းခြင်း

   • လုပ်ငန်း၏ ဘဏ္ဍာရေးစွမ်းဆောင်ရည်ကို ခွဲခြမ်းစိတ်ဖြာကာ အားနည်းချက်များအား ဖော်ထုတ်ခြင်း။

   • စီးပွားရေးအလားအလာနှင့် စျေးကွက်အခြေအနေများအပေါ် အခြေခံ၍ ဘဏ္ဍာရေးကြိုတင်ခန့်မှန်းချက်များ ပြုလုပ်ခြင်း။

6. အဖွဲ့စီမံခန့်ခွဲမှု

   • ဘဏ္ဍာရေးဌာနဝန်ထမ်းများကို ဦးဆောင်ခြင်း၊ လေ့ကျင့်ပေးခြင်း၊ တာဝန်များခွဲဝေပေခြင်းနှင့် စွမ်းဆောင်ရည်အကဲဖြတ်ခြင်း။

7. စွန့်စားမှုစီမံခန့်ခွဲခြင်း (Risk Management)

   • ငွေကြေးဆိုင်ရာ စွန့်စားမှုများ (ဥပမာ- ဈေးကွက်အတက်အကျ၊ ငွေကြေးဖောင်းပွမှု) ကို စီမံခြင်း။

8. ရင်းနှီးမြှုပ်နှံမှုဆိုင်ရာ အကြံဉာဏ်များပေးခြင်း

   • လုပ်ငန်းတိုးချဲ့မှု၊ စက်ပစ္စည်းဝယ်ယူမှု သို့မဟုတ် နည်းပညာရင်းနှီးမြှုပ်နှံမှုများအတွက် ဘဏ္ဍာရေးအရ တွက်ခြေကိုက်သော အကြံပြုချက်များ ပေးခြင်း။

9. စရိတ်ထိန်းသိမ်းခြင်းနှင့် အရင်းအမြစ်စီမံခန့်ခွဲမှု

   • ကုန်ကျစရိတ်လျှော့ချရန် နည်းလမ်းများ ရှာဖွေခြင်းနှင့် အရင်းအမြစ်များကို ထိရောက်စွာ ခွဲဝေအသုံးပြုခြင်း။

🤹🏻 လိုအပ်သော ကျွမ်းကျင်မှုများ (Key Skills)

• ဘဏ္ဍာရေးခွဲခြမ်းစိတ်ဖြာမှု (Financial Analysis)

• ဗျူဟာမြောက်စီမံခန့်ခွဲမှု (Strategic Planning)

• ဘဏ္ဍာရေးဆော့ဖ်ဝဲများ (QuickBooks, SAP, Tally) နှင့် ERP စနစ်များ ကို အသုံးပြုနိုင်မှု

• အခွန်နှင့် စာရင်းကိုင်ပညာ (Taxation & Accounting) ဆိုင်ရာ အသိပညာ

• ဒေတာခွဲခြမ်းစိတ်ဖြာမှု (Data Analysis) နှင့် Excel ကို အဆင့်မြင့်အသုံးပြုနိုင်မှု

• ဆက်သွယ်ပြောဆိုမှု (Communication) နှင့် အဖွဲ့စီမံခန့်ခွဲမှု

အသုံးပြုသော ကိရိယာများ (Tools)

• စာရင်းကိုင် : QuickBooks, Xero, Tally

• ERP စနစ် : Odoo, SAP, Oracle, Microsoft Dynamics

• ဒေတာခွဲခြမ်းစိတ်ဖြာရေး : Microsoft Excel (Advanced), Power BI, Tableau

• အခွန်စီမံခန့်ခွဲမှု : TaxJar, Avalara

• စွန့်စားမှုစီမံခန့်ခွဲရေး : Riskalyze, LogicManager

📍 ထိရောက်သော ဘဏ္ဍာရေးမန်နေဂျာတစ်ဦးသည် လုပ်ငန်းအား ဘဏ္ဍာရေးတည်ငြိမ်မှု ရှိစေပြီး အထက်လူကြီးများ၏ ဆုံးဖြတ်ချက်များကို ဒေတာအခြေပြုပြီး ပိုမိုကောင်းမွန်တဲ့ ဆုံးဖြတ်ချက်ချနိုင်စေရန် အဓိကလုပ်ဆောင်သည်။ ထို့အပြင် စရိတ်ထိန်းသိမ်းခြင်း၊ ရင်းနှီးမြှုပ်နှံမှုအခွင့်အလမ်းများ ရှာဖွေခြင်း၊ ဥပဒေနှင့်ညီညွတ်စွာ လုပ်ကိုင်ဆောင်ရွက်ခြင်းဖြင့် လုပ်ငန်း၏ ရေရှည်တည်တံ့မှု နှင့် ယှဉ်ပြိုင်နိုင်စွမ်း ကို မြှင့်တင်ပေးပါသည်။ 📍 

👨🏻‍💼 အစီရင်ခံရမည့်သူ

• CEO, Operation Director, BOD (If necessary)

🤝 တွဲဖက်လုပ်ကိုင်ရမည့်သူ/Report ပေးရမည့်သူ

• Fulfillment Manager, Purchasing Manager