Purchaser

🏷️ Purchaser – Role & Responsibilities

📌  ကုန်ပစ္စည်း အဝယ်တော် (Purchaser) ၏  Role (အခန်းကဏ္ဍ)

Purchaser တစ်ဦးသည် လုပ်ငန်းတစ်ခု၏ လိုအပ်သော ထုတ်ကုန်ပစ္စည်းများ သို့မဟုတ် ဝန်ဆောင်မှုများ ကို စျေးနှုန်းသက်သာပြီး အရည်အသွေးပြည့်မီစွာ ဝယ်ယူရန် တာဝန်ရှိသူဖြစ်သည်။ ၎င်းတို့သည် ကုမ္ပဏီ၏ လိုအပ်ချက်များနှင့်ကိုက်ညီသော ကုန်ပစ္စည်းများ၊ ကုန်ကြမ်းများ၊ ပစ္စည်းကိရိယာများ၊ ဝန်ဆောင်မှုများကို စနစ်တကျစီမံဝယ်ယူခြင်းဖြင့် လုပ်ငန်းလည်ပတ်မှုနှင့် ကုန်ထုတ်လုပ်မှုကို ချောမွေ့စေရန် အဓိကပံ့ပိုးပေးရသည်။

👍 Responsibilities (တာဝန်များ):

1. လိုအပ်ချက်များ အကဲဖြတ်လေ့လာခြင်း

   • ကုမ္ပဏီ၏ ကုန်ပစ္စည်း/ဝန်ဆောင်မှုလိုအပ်ချက်များကို ဌာနအလိုက် စုစည်းခြင်းနှင့် ဦးစားပေးအလိုက်သတ်မှတ်ခြင်း။

   • လက်ရှိစတော့နှင့် အနာဂတ်မှာ လိုအပ်မည့် လိုအပ်ချက်များကို ခန့်မှန်းခြင်း။

2. ပေးသွင်းသူ (Supplier) ရွေးချယ်ခြင်းနှင့် စီမံခန့်ခွဲမှု

   • ယုံကြည်စိတ်ချရသော ပေးသွင်းသူများကို စျေးနှုန်း၊ အရည်အသွေး၊ ပို့ဆောင်မှုစွမ်းရည်စသည့် အချက်များဖြင့် စိစစ်ရွေးချယ်ခြင်း။

   • ပေးသွင်းသူများနှင့် ရေရှည်ဆက်ဆံရေးတည်ဆောက်ခြင်း။

3. စျေးနှုန်းညှိနှိုင်းခြင်းနှင့် စာချုပ်ပြုလုပ်ခြင်း

   • ကုန်ပစ္စည်းများအတွက် စျေးနှုန်းညှိနှိုင်းခြင်း၊ 

   • အပိုကုန်ကျမည့် ကုန်ကျစရိတ်များကို ထိန်းသိမ်းလျော့ချခြင်း။

   • စာချုပ်များရေးဆွဲခြင်း၊ 

   • ပေးပို့မှုအချိန်ဇယား၊ အရည်အသွေးစံနှုန်းများကို သတ်မှတ်ခြင်း။

4. Purchase Order စီမံခန့်ခွဲခြင်း

   • ဝယ်ယူမှုလုပ်ငန်းစဉ်ကို အတည်ပြုခြင်း၊ PO များထုတ်ပေးခြင်း၊ မှတ်တမ်းများသိမ်းဆည်းခြင်း။

   • ပေးသွင်းသူများထံမှ ပစ္စည်းများ မှန်ကန်စွာရောက်ရှိမှုကို စောင့်ကြည့်ခြင်း။

5. ပစ္စည်းပို့ဆောင်မှုနှင့် အရည်အသွေးထိန်းသိမ်းခြင်း

   • ပစ္စည်းများ အချိန်မီရောက်ရှိရေး ညှိနှိုင်းခြင်း။

   • လက်ခံပစ္စည်းများ၏ အရည်အသွေးနှင့် ပမာဏကို စစ်ဆေးခြင်း။

6. ပြဿနာဖြေရှင်းခြင်းနှင့် နောက်ဆက်တွဲလုပ်ဆောင်ချက်

   • ပစ္စည်းပျောက်ဆုံးမှု၊ နောက်ကျမှု၊ အရည်အသွေးမမှီသည့်ပြဿနာများကို ပေးသွင်းသူနှင့် ညှိနှိုင်းဖြေရှင်းခြင်း။

   • ပြန်လည်အစားထိုးခြင်း သို့မဟုတ် ပေးသွင်းသူ၏ စာရင်းပြင် ဘောက်ချာကို ပြန်လည်တောင်းဆိုခြင်း။

7. ဘဏ္ဍာရေးနှင့် အစီရင်ခံစာပြုစုခြင်း

   • ဝယ်ယူမှုဆိုင်ရာ ကုန်ကျစရိတ်များကို ခြေရာခံ လေ့လာခြင်း၊ အစီရင်ခံခြင်း။

   • စီမံခန့်ခွဲသူများအား လစဉ်/သုံးလပတ် အစီရင်ခံစာများ တင်ပြခြင်း။

🤹🏻 လိုအပ်သော အရည်အချင်းများ

• ဆက်သွယ်ရေးနှင့် ညှိနှိုင်းမှုစွမ်းရည် - ပေးသွင်းသူများနှင့် ကုမ္ပဏီအတွင်းဌာနများအကြား ထိရောက်သောဆက်သွယ်မှု။

• စျေးနှုန်းသက်သာမှုအတွက် ဗျူဟာကျနမှု - စျေးကွက်အခြေအနေကို သိရှိနားလည်ပြီး စျေးနှုန်းညှိနှိုင်းနိုင်မှု။

• အသေးစိတ်ဂရုစိုက်မှု - စာချုပ်များ၊ ပမာဏနှင့် အရည်အသွေးကို မှန်ကန်စေရန်။

• နည်းပညာကျွမ်းကျင်မှု - ERP System၊ Microsoft Excel၊ ဝယ်ယူမှုဆော့ဖ်ဝဲများကို အသုံးပြုနိုင်မှု။

• ဥပဒေနှင့်ကိုက်ညီမှု - ဝယ်ယူမှုဆိုင်ရာဥပဒေများ၊ ကုန်သွယ်ရေးစည်းမျဉ်းများနှင့် ရင်းနှီးမှု။

📍 Purchaser သည် ကုမ္ပဏီ၏ ကုန်ကျစရိတ်ထိန်းသိမ်းမှု၊ ထုတ်လုပ်မှုအဆင်ပြေမှုနှင့် ဝင်ငွေတိုးတက်မှုကို တိုက်ရိုက်အကျိုးပြုသော ကျွမ်းကျင်သူတစ်ဦးဖြစ်သည်။ အတွေ့အကြုံနှင့် စွမ်းဆောင်ရည်ပေါ်မူတည်၍ Senior Purchasing Manager, Supply Chain Manager သို့မဟုတ် Executive Purchasing Officer အထိ တိုးတက်နိုင်ပါသည်။📍

👨🏻‍💼 အစီရင်ခံရမည့်သူ

• Senior Purchasing Manager, Purchasing Director