Sale Staff

🏷️ Sale Staff – Role & Responsibilities

📌 Role (အခန်းကဏ္ဍ)
Sale Staff သည် စတိုးဆိုင်တွင်း ဖောက်သည်များအား ဝန်ဆောင်မှုပေးခြင်း၊ ကုန်ပစ္စည်းများရောင်းချခြင်း၊ စတိုးဆိုင်လုပ်ငန်းစဉ်များ ချောမွေ့စေရန် ကူညီဆောင်ရွက်ခြင်းတို့ကို အဓိကတာဝန်ယူရသူဖြစ်သည်။ ဖောက်သည်များ၏ လိုအပ်ချက်နှင့်ကိုက်ညီသော ထုတ်ကုန်များအား အကြံပြုခြင်း၊ ရောင်းအားတိုးမြင့်ရန် စည်းရုံးခြင်းနှင့် စတိုးဆိုင်အတွင်း စနစ်တကျစီမံခန့်ခွဲမှုတို့ကို ဆောင်ရွက်ရသည်။

👍 Responsibilities (တာဝန်များ):

1. 🙏 ဖောက်သည်များအား ကြိုဆိုဝန်ဆောင်မှုပေးခြင်း

   • စတိုးဆိုင်သို့ ဝင်ရောက်လာသော ဖောက်သည်များအား ယဉ်ကျေးစွာကြိုဆိုခြင်း၊ လိုအပ်သောအကူအညီပေးခြင်း။

   • ဖောက်သည်များ၏ လိုအပ်ချက်ကို နားလည်ပြီး သင့်တော်သော ထုတ်ကုန်များအား အကြံပြုခြင်း။

2. 🛒 ကုန်ပစ္စည်းများ ရောင်းချခြင်းနှင့် စျေးနှုန်းသတ်မှတ်ခြင်း

   • ကုန်ပစ္စည်းများအား စျေးနှုန်း၊ အထူးလျှော့စျေးများ၊ ပရိုမိုးရှင်းများနှင့်အညီ ရောင်းချခြင်း။

   • POS (Point of Sale) စနစ်ကို အသုံးပြုကာ ငွေသွင်းခြင်း၊ ပြန်အမ်းခြင်းစသည့် ငွေကြေးလုပ်ငန်းစဉ်များ ဆောင်ရွက်နိုင်ခြင်း။

3. 📦  ကုန်ပစ္စည်းစီမံခန့်ခွဲမှု

   • စတိုးဆိုင်အတွင်း ကုန်ပစ္စည်းများ စနစ်တကျပြသခြင်း၊ သန့်ရှင်းသောအခြေအနေတွင် ထားရှိခြင်း။

   • ပစ္စည်းလက်ကျန်စာရင်းကို ပုံမှန်စစ်ဆေးခြင်း၊ ပြန်လည်ဖြည့်တင်းခြင်းနှင့် ပျက်စီးနေသောပစ္စည်းများကို အစားထိုးရန် စီမံခန့်ခွဲသူထံ အကြောင်းကြားခြင်း။

4. ✌️ ဖောက်သည်တိုင်ကြားမှုများ ဖြေရှင်းခြင်း

   • ဖောက်သည်များ၏ မကျေနပ်မှုများ၊ ငွေစာရင်းမှားယွင်းမှုများ ၊ ပစ္စည်းအမှားအယွင်းများကို စိတ်ရှည်လက်ရှည် ဖြေရှင်းပေးခြင်း။

   • ပြဿနာများကို အမြန်ဆုံးဖြေရှင်းရန် စီမံခန့်ခွဲသူနှင့် ပူးပေါင်းဆောင်ရွက်ခြင်း။

5. 📈 ရောင်းအားတိုးတက်ရေး လုပ်ဆောင်ခြင်း

   • အထူးလျှော့စျေးများ၊ ပရိုမိုးရှင်းများကို ဖောက်သည်များထံ အသိပေးခြင်း။

   • ဆိုင်တွင်း စျေးနှုန်းတံဆိပ်ကပ်ခြင်း၊ ကုန်ပစ္စည်းများအား ဆွဲဆောင်မှုရှိစွာပြသခြင်း။

   • ဆိုင်အပြင်အဆင် အလှဆင်ခြင်း (Visual Merchandising) ကို ဆောင်ရွက်ခြင်း။

6. 🧹 ဆိုင်အတွင်းသန့်ရှင်းမှုနှင့် စနစ်တကျပြင်ဆင်မှု

   • ကုန်ပစ္စည်းစင်များ၊ ပြသသည့်နေရာများအား သန့်ရှင်းသပ်ရပ်စွာထားရှိခြင်း။

   • စျေးဆိုင်အား သန့်ရှင်းမှုရှိစေရန် ဖုန်သုတ်ခြင်း၊ ကြမ်းပြင်သန့်ရှင်းရေးများ ပြုလုပ်ခြင်း။

   • ဆိုင်အတွင်း လုံခြုံရေးနှင့် ဘေးအန္တရာယ်ကင်းရှင်းရေးကို စောင့်ကြည့်ခြင်း။

7. 🧑‍💼 အဖွဲ့နှင့်ပူးပေါင်းလုပ်ကိုင်ခြင်း

   • စတိုးမန်နေဂျာ၊ အခြားရောင်းအားဝန်ထမ်းများနှင့် ညှိနှိုင်းလုပ်ကိုင်ခြင်း။

   • လိုအပ်ပါက စတိုးဆိုင်ဖွင့်ချိန်/ပိတ်ချိန်တွင် ကူညီဆောင်ရွက်ခြင်း။

8. 📋  အခြားတာဝန်များ

• Member Card များထုတ်ပေးခြင်၊ စီစဉ်ဆောင်ရွက်ပေးခြင်းများ ပြုလုပ်ခြင်း။

• ဖောက်သည်များ၏ ပြန်လည်လဲလှယ်လိုသော မဲပါသည့် ပစ္စည်းများကို စစ်ဆေးခြင်း။

• လိုအပ်ပါက ဆိုင်ပိတ်ရက်များတွင်လည်း အချိန်ပို လာရောက်ဆင်းခြင်း။

• မီးဘေးအန္တရာယ်အတွက် ကြိုတင်ကာကွယ်မှုများ (မီးသတ်ဆေးဘူးများ) ထားရှိထားခြင်းကို စစ်ဆေးခြင်း။

🤹🏻 လိုအပ်သောအရည်အချင်းများ:

• ဖောက်သည်နှင့်ဆက်ဆံရာတွင် စိတ်ရှည်သည်းခံမှုနှင့် ယဉ်ကျေးသောစကားပြောဆိုမှု။

• ကွန်ပျူတာ/POS စနစ်အသုံးပြုနိုင်မှု။

• ရောင်းအားတိုးတက်ရေး စိတ်အားထက်သန်မှု။

• အသေးစိတ်ကို ဂရုစိုက်တတ်ပြီး အချိန်မှန်လုပ်ကိုင်နိုင်မှု။

👨🏻‍💼 အစီရင်ခံရမည့်သူ

• ဆိုင်မန်နေဂျာ (သို့) ဆိုင်အကြီးအကဲ (Supervisor)