Shop Manager

🏷️ Shop Manager – Role & Responsibilities

📌 Role (အခန်းကဏ္ဍ)
ဆိုင်မန်နေဂျာသည် ဆိုင်လုပ်ငန်းများ ချောမွေ့စွာ အလုပ်လုပ်ဆောင်နိုင်ရန်၊ ဝယ်ယူသူများ ကျေနပ်မှုရရှိရန်နှင့် အမြတ်အစွန်း တိုးတက်စေရန် နေ့စဉ်လုပ်ငန်းများကို ကြီးကြပ်အုပ်ချုပ်သူဖြစ်သည်။ ၎င်းတို့သည် ဝန်ထမ်းများကို ဦးဆောင်ခြင်း၊ ကုန်ပစ္စည်းစာရင်းများ စီမံခန့်ခွဲခြင်း၊ ရောင်းအားတိုးမြှင့်ခြင်းနှင့် ဆိုင်ဂုဏ်သတင်းကို ထိန်းသိမ်းခြင်းတို့ကို တာဝန်ယူရသည်။

👍 Responsibilities (တာဝန်များ):

၁။ 👩🏻‍🦰 ဝန်ထမ်းစီမံခန့်ခွဲမှု

• ဝန်ထမ်းများ ခန့်အပ်ခြင်း၊ လေ့ကျင့်ပေးခြင်းနှင့် ကြီးကြပ်ခြင်း။

• အလုပ်ချိန်ဇယားများ ရေးဆွဲခြင်းနှင့် ဝန်ထမ်းများ နေ့စဉ်လုပ်ကိုင်ရမယ့် အလုပ်များ စီစဉ်ညွှန်ကြားခြင်း။

• ဝန်ထမ်းစွမ်းဆောင်ရည် အကဲဖြတ်ခြင်းနှင့် ပြန်လည်အကြံပြုခြင်း။

• အဖွဲ့အတွင်း ပဋိပက္ခများ ဖြေရှင်းခြင်းနှင့် ကောင်းမွန်သော အလုပ်ပတ်ဝန်းကျင် ဖန်တီးပေးခြင်း။

၂။ 📦 ကုန်ပစ္စည်းစာရင်း ထိန်းချုပ်မှု

• ကုန်ပစ္စည်းပမာဏကို စောင့်ကြည့်ခြင်းနှင့် လိုအပ်သလို ပြန်လည်ဖြည့်သွင်းခြင်း။ခြင်း။

• သိုလှောင်ရာနေရာများ စနစ်တကျထားရှိခြင်းနှင့် ပုံမှန်စာရင်းစစ်ဆေးခြင်း။

• ကုန်ပစ္စည်းပေးသွင်းသူ၊ ရုံးချုပ်မှ ပို့ဆောင်ပေးများနှင့် ဆက်ဆံရေးထိန်းသိမ်းခြင်း၊ 

• ဈေးနှုန်းနှင့် ပို့ဆောင်ရေးကိစ္စများ ညှိနှိုင်းဆောင်ရွက်ခြင်း။

• ကုန်ပစ္စည်းအပို/အလိုများ လျှော့ချခြင်း။

၃။ ☺️ ဝယ်ယူသူစိတ်ကျေနပ်မှု ဖန်တီးခြင်း

• အရည်အသွေးမြင့် ဝန်ဆောင်မှုပေးခြင်းနှင့် ဝယ်ယူသူပြဿနာများ ဖြေရှင်းခြင်း။

• ဝယ်ယူမှုအတွေ့အကြုံကို မြှင့်တင်ရန် နည်းဗျူဟာများ ချမှတ်ခြင်း။

• ဝယ်ယူသူများ၏ အကြံပြုချက်များကို ဆန်းစစ်ကာ ဝန်ဆောင်မှုစံချိန်များ မြှင့်တင်ခြင်း။

၄။ 📈 ရောင်းအားနှင့် ဘဏ္ဍာရေးစီမံခန့်ခွဲမှု

• ရောင်းအားပန်းတိုင်များ သတ်မှတ်ခြင်းနှင့် အဓိက စွမ်းဆောင်ရည် ညွှန်ကိန်းများ (KPIs) စောင့်ကြည့်ခြင်း။

• နေ့စဉ်/အပတ်စဉ် ရောင်းအားအစီရင်ခံစာများ ပြုစုခြင်းနှင့် ဈေးကွက်အလားအလာများ သုံးသပ်ခြင်း။

• ဘတ်ဂျက် စီမံခန့်ခွဲခြင်း၊ ကုန်ကျစရိတ်ထိန်းချုပ်ခြင်းနှင့် အမြတ်အစွန်း မြှင့်တင်ခြင်း။

• ငွေသားစီမံခန့်ခွဲမှု များလုပ်ကိုင်ဆောင်ရွက်ရခြင်း။ (ဥပမာ - ငွေစာရင်းညှိခြင်း၊ ဘတ်ဂျက်များ ပြန်လည်အပ်နှံခြင်း)။

၅။ 🧑‍🎨 အမြင်သဏ္ဌာန်နှင့် ပစ္စည်းပြသမှု

• ဆွဲဆောင်မှုရှိသော ပစ္စည်းပြသမှုများနှင့် ဆိုင်အပြင်အဆင် ဒီဇိုင်းရေးဆွဲခြင်း။

• ရာသီအလိုက် သို့မဟုတ် ပရိုမိုးရှင်းများအတွက် ပြသမှုများ ပြောင်းလဲခြင်း။

၆။ 🧯 ဆုံးရှုံးမှုကာကွယ်ခြင်းနှင့် လုံခြုံရေး

• ခိုးမှုကာကွယ်ရေး နည်းလမ်းများ အကောင်အထည်ဖော်ခြင်းနှင့် CCTV စနစ်များ စောင့်ကြည့်ခြင်း။

• ကုန်ပစ္စည်းဆုံးရှုံးမှု အကြောင်းရင်းများ စုံစမ်းခြင်းနှင့် အတွင်းပိုင်း/အပြင်ပိုင်း ခိုးမှုများ ကိုင်တွယ်ခြင်း။

၇။ ⚙️ စီမံခန့်ခွဲမှုဆိုင်ရာ အလုပ်များ

• ကျန်းမာရေး၊ ဘေးကင်းလုံခြုံရေးနှင့် အလုပ်သမားဥပဒေများကို လိုက်နာစေခြင်း။

• စာရင်းမှတ်တမ်းများ (ဝန်ထမ်းလစာ၊ ငွေတောင်းခံလွှာ၊ အလုပ်ချိန်ဇယား) ထားရှိခြင်း။

• ဆိုင်ဖွင့်ခြင်း/ပိတ်ခြင်း လုပ်ငန်းစဉ်များ စီမံခြင်း။

၈။ 🛍️ ဈေးကွက်ရှာဖွေရေးနှင့် ပရိုမိုးရှင်းများ

• ဆိုင်တွင်း ပရိုမိုးရှင်းများ စီစဉ်ခြင်းနှင့် စျေးကွက်ရှာဖွေရေးအဖွဲ့များနှင့် ပူးပေါင်းဆောင်ရွက်ခြင်း။

• ဒေသခံ ကြော်ငြာများ (Flyer, Vinyl, Direct Phone Call) တို့ဖြင့် ဝယ်ယူသူများ ဆွဲဆောင်ခြင်း။

၉။ 👨🏻‍💻 နည်းပညာနှင့် စနစ်များ

• POS စနစ်များ၊ စာရင်းစီမံခန့်ခွဲမှုဆော့ဖ်ဝဲများ အသုံးပြုခြင်း။

• လုပ်ငန်းလည်ပတ်မှုကို ပိုမိုလွယ်ကူစေရန် နည်းပညာအသစ်များ လေ့လာခြင်း။

၁၀။ 🦺 ကျန်းမာရေးနှင့် ဘေးကင်းလုံခြုံရေး

• ဝန်ထမ်းများအား ဘေးကင်းရေး လေ့ကျင့်ပေးခြင်းနှင့် အရေးပေါ်လေ့ကျင့်ခန်းများ ပြုလုပ်ခြင်း။

• ဆိုင်သန့်ရှင်းမှုနှင့် အန္တရာယ်ကင်းရှင်းမှုကို သေချာစေခြင်း။

၁၁။ ✅ ပြဿနာဖြေရှင်းခြင်းနှင့် ဆုံးဖြတ်ချက်ချမှတ်ခြင်း

• လုပ်ငန်းဆိုင်ရာ အခက်အခဲများ (ဝန်ထမ်းလိုအပ်ချက်၊ ကုန်ပစ္စည်းနောက်ကျမှု၊ ကုန်ပစ္စည်းပျက်လက်မှု) ကို ကိုင်တွယ်ခြင်း။

• ဝယ်ယူသူနှင့် ဝန်ထမ်းပြဿနာများကို အမြန်ဆုံးဖြေရှင်းခြင်း။

၁၂။ 🤝🏻 ပါတနာများနှင့် ဆက်စပ်သူများနှင့် ဆက်ဆံရေး

• ကုန်ပစ္စည်းပေးသွင်းသူများ၊ ဒေသခံလုပ်ငန်းများနှင့် မိတ်ဖက်ပြုလုပ်ခြင်း။

• အမှုဆောင်ရုံးချုပ် သို့မဟုတ် Franchise ဆိုင်ပိုင်ရှင်များနှင့် ဆက်သွယ်ဆောင်ရွက်ခြင်း။

🤹🏻 အရည်အချင်းများ

• ဦးဆောင်မှု၊ ဆက်သွယ်ပြောဆိုမှုနှင့် စီမံခန့်ခွဲမှုစွမ်းရည်။

• ရောင်းအားနှင့် စာရင်းစီမံခန့်ခွဲမှုအတွက် ခွဲခြမ်းစိတ်ဖြာနိုင်စွမ်း။

• စီးပွားရေးဆော့ဖ်ဝဲများနှင့် ဘဏ္ဍာရေးဆိုင်ရာ အသိပညာ။

• ဈေးကွက်အပြောင်းအလဲနှင့် ဝယ်ယူသူလိုအပ်ချက်များကို လိုက်လျောညီထွေဖြစ်စေနိုင်မှု။

📍 ဤတာဝန်များကို ဟန်ချက်ညီစွာ ထမ်းဆောင်ခြင်းဖြင့် ဆိုင်မန်နေဂျာသည် ဆိုင်အောင်မြင်ရေးကို ဦးတည်ကာ၊ စိတ်အားထက်သန်သော အဖွဲ့နှင့် Royalty Customer များကို တည်ဆောက်ပေးနိုင်မည်ဖြစ်သည်။ 🛒📈👥

👨🏻‍💼 အစီရင်ခံရမည့်သူ

• Operation Director (သို့) CEO

🤝 တွဲဖက်လုပ်ကိုင်ရမည့်သူ/Report ပေးရမည့်သူ

• HR Manager, Admin Manager